مرحبًا بكم في جيمز وورلد! اليوم فيديو النهاردة هيكون عن أفضل ألعاب يوغي على الأندرويد. ولو انت بحثت عن العاب يوغي علي المتجر مش هتلاقي غير لعبتين او ٣ العاب وهما اونلاين، فجمعتلك النهاردة العاب يوغي الممتعه اللي تقدر تشغلها علي الموبايل وهعرف كل لعبة بتضم استدعاءات ايه وسنه كام عشان تعرف اغلب الاوراق الموجوده ، بالإضافة إلى بعض الألعاب المميزة التي تستحق الذكر. يلا نبدأ!
5- المركز الخامس Yu-Gi-Oh! Power of Chaos Trilogy
.webp)
في المركز الخامس معانا مش هتكون لعبة واحده بل ٣ العاب وهما ، "Yu-Gi-Oh! Power of Chaos Trilogy". السلسلة دي اغلبكم سمع عنها او لعبها قبل كده علي الكمبيوتر زمان ومع ذلك لسه ممتعه بأجواء Old school بتاعتها بعيدا عن انك تعمل كومبو طويل عريض عشان تملي الملعب بتاعك ، انما هنا تبقي جامد لو نزلت وحشين مع بعض ، وطبعا هتلاقي كام لعبة منهم حاططهالك بالعربي والاوراق مترجمة ، والالعاب ٣ هما يوغي يو ديستني ، كايبا ريفينج ، وجوي، وهحطلك معاهم افضل جزء عندي وهو يوغي يو ريبورن.
طبعا انت بتسأل اشغلها ازاي بما انها للكمبيوتر؟
الاجابه انك هتشغلهم ببرنامج exgear ودا فيديو شرحت فيه ازاي تشغله بسهوله ،مش هياخد منك ١٠ دقائق.
4- المركز الرابع Yu-Gi-Oh! 5D's Tag Force 6
في المركز الرابع معانا وهي لعبة، "Yu-Gi-Oh! 5D's Tag Force 6". جبتلك المره دي لعبة من سلسله العاب Tag Force وهي افضلهم حسب رأي اغلب الاعبين بل حتي فيه لاعبين لعبوها ٢٠٠ ساعه ، اللي مميز في سلسله Tag Force بشكل عام هو ان اللعبة فيها انيميشن للوحوش واصوات بل وحتي ٣دي للشخصيات اللي بتبارزك ، ودا طبعا بعيدا عن القصه المختلفه لكل جزء من السلسه، واكثر ما يميز السلسله هو نظام Tag duel اللي بيسمح ليك تعمل شراكه مع احد شخصيات اللعبة واللي هما نفسهم اللي ظهرو في الانمي وتبارز معاهم وتشوف قصه كل واحد فيهم من منظورة الخاص.
وعشان تشغل اللعبة هتحتاج محاكي PPSSPP وده هتلاقيه علي متجر جوجل بلاي ،وشوف الفيديوهين دول (كيفيه فك الضغط عن العاب PPSSPP ، كيفيه اظهار العاب ppsspp داخل المحاكي)، ده لو انت اول مرة تستخدم المحاكي.
3- المركز الثالث Yu-Gi-Oh! 5D's Championship
في المركز الثالث معانا وهي لعبة، "Yu-Gi-Oh! 5D's Championship".
اهم حاجه بتميز اللعبة دي رغم انها قديمة هي انها مختلفه عن بقيت العاب يوغي اللي لعبتها ، من اول القصه الاصليه اللي بتبدأ فيها في قريه صغيره وبتكتشف في الاخر انها نفس القريه (اسم) بس بتكون بدايه القصه قبل احدان الانمي تحديدا وقت ما لسه يوسي مع مع جاك و كرو و (اسم) وبتشوف ازاي كانت القريه قبل العصابات ما يدربكوها ويقلبوها منجم للعبوديه والبقاء للأقوي ،وتشوف ماضي الطفلين اللي ظهرو في الانمي واللي مش فاكر اساميهم ، ودا طبعا غير باقي الاحداث وسباقات التربو، وتقدر تبني الدراجه بتاعتك وتسابق فيها علي الطريق.
اللعبة حجمها صغير وتقدر تشغلها علي محاكي دراستيك.
2- المركز الثاني Edo Pro
.webp)
في المركز الثاني معانا لعبة، "Edo Pro". واللعبة فيها تقريبا كل الورق الجديد، ومتوفر فيها انك تلعب اونلاين او مع صحبك او حتي بدون نت، تقدر تبني تشكيلات قويه او تشوف التشكيلات علي النت وتستخدمها في اللعبة. واللعبة بتشتغل عادي بأنك تثبتها.
ضيوف شرف
نيجي بقي للعبتين كانوا يستاهلوا انهم يبقوا موجودين معانا في القائمة ولكن محطتهمش عشان ان الالعاب دي اونلاين فقط:
Yu-Gi-Oh! Duel Links
اللعبة دي موجودة علي المتجر ومساحتها بتوصل ٢ جيجا ، نظام اللعبة بيعتمد علي speed duel وهو نفسه نظام اللعب في جزء Yu-Gi-Oh! VRAINS ، اللعبة مش بتديك ورق او مجموعه قويه تبدأ بيها بل بتديك جواهر وتيكتس تقدر تجمع بيهم المجموعه بتاعتك، وزي اي لعبة اونلاين موجود فيها احداث وتفاعل بين الشخصيات في اللعبة، واللعبة بتقدم انميشن للوحوش المفضله للشخصيات زي الدارك ماجيشن و نيوس ورقم ٣٩ وغيرهم من الاوراق، عيوب اللعبة انها محتاجه صبر في تجميع تشكيله معينه الا لو تشكيله قديمة، ده غير ان الجواهر كونامي بتدهالك ولا كأنك شحات.
أستخدم هذا الكود للحصول علي مجموعه ازرق العينين مجانا: 001p71e4a3tc
Yu-Gi-Oh! Master Duel
دي افضل لعبة اونلاين ليوغي واحدثهم، وموجود فيها اوراق اكثر من ديول لينكس وبتختلف عنها انها نظام عادي ومفيش skills وتجميع الورق والتشكيلات احسن، بس هتلاقي الجيم هيطول معاك.
1- المركز الاول Yu-Gi-Oh! Omega
في المركز الأول، لدينا "Yu-Gi-Oh! Omega". هذه اللعبة تقدم تجربة فريدة لمحبي يوغي، حيث يمكنك بناء مجموعة بطاقات خاصة بك والتنافس مع لاعبين آخرين من جميع أنحاء العالم. الرسومات رائعة، واللعبة مليئة بالتحديات المثيرة!
متطلبات تشغيل اللعبة
Android MINIMUM RECOMMEND
OS Android 5.1 Android 9
CPU Snapdragon 845
Memory 3GB RAM 4GB RAM
Storage 4GB Available Space 6GB Available Space
حجم اللعبة عند التحميل :209mb
الختام
وهكذا، كانت هذه أفضل ألعاب يوغي المتاحة على الأندرويد! إذا كنت من محبي يوغي، فلا تتردد في تجربة هذه الألعاب الرائعة. هل لديك لعبة مفضلة لم نذكرها؟ شاركنا في التعليقات! ولا تنسَ الاشتراك في القناة وتفعيل زر الجرس ليصلك كل جديد. شكرًا لمشاهدتكم، ونراكم في الفيديو القادم!
